Günəşin zər saçlarından tuta-tuta,
Dalğalardan çıxa-çıxa,
          Dalğalara bata-bata,
Dəstə-dəstə üzüşürlər,
Elə bil ki, böyrüstə, yanıüstə,
          ağzıüstə gəzişirlər.
Uzandığım narın qumlu bir sahildən,
Ağ yelkənli qayıqlara baxıram mən;
O qədərdi - sanki qayıq qasırğası var dənizdə,
Üzür gənclər, -
Ah, qorxuram,
          O yelləncək ləpələrdən
          Sonra biri düşə bilər!
          Bata bilər! -
Üzə bilməz
Dənizdə səs, səmada səs,
          torpaqda səs.
Ağ yelkənli qayıqların tufanı var.
Cavanların burda tufan gülüşü var,
          Tufanlarla görüşü var.